بالتدوينه هذي دخلت ب3مواضيع
وانما هي كنماذج للاتي باذن الله..
والخيار لكم..
تحبون نتكلم بموضوع واحد او ندخل بكذا موضوع..
بسم الله
بداية اعرفكم بنفسي
انا من البنات الطموحات كثيرا
ومن يعرفني يشهد على كلامي هذا
طبعا هم من قال لي ولا انا مادري هههههه
المهم
اصبحت ادور على مشروع او عمل يكون لي استقرار مادي
و اشغل نفسي فيه بدل الفراغ الي انا فيه
مهما كان بما انه حلال
وصارت لي تجارب في التجاره والتسويق منها الي فشل ومنها الي نجح وما
الى ذالك
وراح نتطرق لها كثير بمواضيع اخرى
انا من الاشخاص احب اني اكتب
وبذات اذا ضاقت نفسي ومالقيت احد احكي له
امسك قلمي واكتب
وارتاح كثير
لان القلم والورقه
يجعلون الشخص يكتب كل مايدور بخلده((ياعيني شوفو الثقافه))
عكس لما يكتب بالوورد
فأنصح كل من يضيق صدره من هموم او أي شيء اخر
ان يلجأ أولا الى الله
بقيام الليل فيها راحه عجيبه
بالاستغفار
ويكثر منه
قراءة القران
ثم
يبتدي يكتب عن ما يجول بفكره من مشاكل
او مواقف عاشها
احيانا افتح دفتر مذكراتي
واقرى المواقف الي كتبتها
اضحك
مع اني يوم اكتبها كنت مقهوره كثير..
وبالنسبه لصلاة الليل
وقت الهموم كثرو منها
والله ثم والله انك راح تحس براحه
لانك وانت تصلي تشكي همك لربك
والله يشوفك ويسمعك ويعرف بهمك
ومع هذا تشكي له وتصيح وتسجد وتصيح
ولاننسى ان الله يكون بالسماء الدنيا
كل هذا اشياء تخليك
تحس ان الله قريب منك جدا..
كنا في غفله عنها وعن الدعاء
ادعو الله بكل وقت وبعد كل صلاه
فيقال..
انه اذا جائك مايهمك عليك باللجوء الى الدعاء
ف الله يكون مشتاق لسماع صوت عبده
يدعوه ويرجوه ويتضرع اليه..
في جوف الليل بكل انكسار ورجاء
فا يا احبتي
اذا اتتكم مصيبه لاتقنطو
لاتجزعوا
الله قال في كتابه
((وبشر الصابرين))
ان الله اذا احب عبد ابتلاه
اما في نفسه او ماله او ذريته
فأين نحن من
ابتلاء نبيه ايوب عليه السلام
ابتلي في
جسده
وماله
وذريته
هل جزع..؟
هل فعل كما يفعل البعض والعياذ بالله..
قال ليش ياربي ان شسويت..
((اكتبها بالعاميه للتقريب))
لا بل صبر
وصبر سنين كثيره
ولهذا يضرب به المثل (ياصبر ايوب على بلواه)
مثل شعبي معروف..
اتوقف هنا وارجع لكم باذن الله بموضوع اخر.
اتمنى ينال استحسانكم..
بانتظار ردودكم
((التدوينه الاولى انتهت)).
بسم الله
وبه نستعين في جميع
حوائجنا
--
طلبت الاستعانه
بحبايبي بالانستغرام انهم يعينوني على وضع مواضيع
او خلونا نقول سواليف
نسالف فيها وندردش ونتناقش فيها..
ف جاني اول موضوعين
الفراغ الاعلامي..
الاختبارات..
--
خلونا نبتدي
بالاختبارات بما انه هذا موسمها..
ومانقول غير الله
يعين الطلاب عالاسئله..
والله يعين المدرسين
والمدرسات على الابداعات بالاجوبه
هاللي كل فتره تجينا
صور الابداعات بالاجوبه..
--
حبايبي الطلاب
والطالبات..كلنا مرينا بمرحلة الدراسه و الاختبارات هذي......وسوينا سوالف فيها..
المهم.. اني حبيت
اقول للكل
ان كلنا عشنا هالفتره
ولعبنا ((هسترنا)) لما تخرجنا ولله الحمد
لكن شنو الخطا الي
وقعنا فيه..وللاسف لازال الطلاب والطالبات يقعون فيه
انهم..مايفصلون حياة
الوناسه عن حياة العلم..
أي بمعنى..كلنا نحب
نوسع صدورنا حتى المدرس يبي يوسع صدره..
ولكن نحن الطلاب
للاسف من كثر مانريد نوسع صدورنا
ونفرح نخلط الاوراق ببعض
أي..طول اليوم جالسين
فاضين او على الجوالات وغيرها من الاجهزه وتاركين عنكم الدراسه
فتنظيم الوقت بهالوقت
اصبح مهم جدا جدا جدا
لماذا؟؟لان هالوقت
اصبح سريع صح ولا لا..يعني اذا مانظمت وقتك وسويت شغلك ع الوقت الي منظمه راح يومك
وانت جالس..
وحرام ان انا وانت
نضيع 24 ساعه من حياتنا بدوووون تنظيم بدوووون عمل شيء فيها
لان كلنا بنتحاسب
عليها وهذا شيء معروف..
نرجع لموضوعنا....
انت متى بتحس بقيمة
الدراسه الي درستها..بتحس بها اذا تخرجت
وقت ماتحتاج الشهاده
حق وظيفه..وكلامي للولد والبنت..
وقتها بتقول
ليتني..وليتني..>>والتمني بهالوقت ما ينفع لانه مضى وراح..
فـ
نصيحه مني لكم..
افصلو
بين حياتكم الشخصيه ووناستكم وبين دراستكم..
لان
لكل شيء وقت ويروح..
الكلام يطول..وبما انكم طلاب تحبون
الاختصار..
الا اذا تبون اخذ حصه ثانيه ماعندي
مانع..
ههههههههه..
ختاما الله يوفقكم
ويفرح اهلكم بكم حاملين الشهادات الكبيره..
وتنالون اللي في
بالكم ويسعدكم..
تحياتي للجميع..
عذرا اذا كان كلامي غير متناسق لاني كتبته بسرعه عندما طرحت
الفكره..
وشكرا.
------التدوينه الثالثه:
بسم الله
نجي للموضوع الثاني..كما تم اقتراحه علي لوضعه هنا من قبل حبايبي
بالانستغرام..
الا وهو الفــــراغ الاعـــلامي..
الجزء الاول..
طبعا اللي بكتبه هو
كـ راي شخصي.. حول الاعلام اللي جالسين نشوفه..
الموضوع يطول ف ان
شاء الله راح اتناوله بشكل نقاط لتنظيم الموضوع لا اكثر..
1-لو قلنا البرامج بشكل عام..مالها
طعم..السبب هنا:
أ-البرامج الي تجيك
مفيده او تنقل وضع الشارع وهموم الناس يتم تقييدها بانظمه تحد من حريتها..ولو جاء
مذيع او مذيعه وتكلمو..ويا حلات البرامج الي تكون بث مباشر..مافيها تقطيع تطلع
فضايح..والله..مثال لما تكلم برنامج بقناة السعوديه عن((البطاله)) وهذا وهي بطاله
ماغلط على احد او جاب اسماء..تم تهديدهم بالفصل..ياراجل..تكلمو عن بطاله وهذا
معروف ماغلط على احد..
ب-نجيكم لمربط الفرس
البرامج الي نسميها برامج المسخره صراحه((وعذرا))..اللي ماعندها هدف غيير انها
تدخل فلووووس للقناه المستضيفه..وللاسف كثير من يتابعها وكثير من يتواصل معهم سواء
بتصويت او متابعه..الخ وفوق هذا ماتحترم الذوق العام تجيب لك اشكال والوان من
المسخره وانت وبراحتك تشوف او تغمض عيونك او تغير القناه..
جـ-نقول ان البرامج
المفيده قليله واللي تبث مباشر وتنقل هموم تحبس حريتها
وبرامج المسخره لها
مطلق الحريه في الانتاج..ويقولون ليه اعلامنا فاسد يقولون ليه عيالنا بدو
ينحرفون..ياخي شوف المعروض واعرف..الله يعين..
مالكم الا تتابعون
ابوظبي جيوغرافي احسن قناه مفيده>>هههههه كاني سويت دعايه لها..
طبعا اقصد تابعو
القنوات الوثائقيه قناة ابوظبي كمثال
فقط..واصلا هاليومين التلفزيون اصبح نفس الراديو قليل الي يتابعه..وبما ان القنوات
اصبحت عالنت ابحث عن المفيد الي ينفع دنيا واخره..
احس طولت بالكلام لكن
هذت جانب اعلام البرامج فقط..تابعونا بالاجزاء الاخرة للفراغ الاعلامي..
تحياتي..
ليست هناك تعليقات:
إرسال تعليق